Ann Tove sin blogg

Fornying

2012-02-04T11:35:00.004+01:00

Ein vindfull dag fann eg fram ei gammal sid kåpe.
Den har hengt på boden i fleire år,
og har lenge tenkt at eg skulle gjere noko med den.

Etter litt grubling og leiting i tilsidelagte klær og stoff,
fann eg ei grøn oppspretta kåpe.
( kjøpt på freetex ein gong )
Perfekt farge å kvikke opp den svarte kåpa.
Er igrunn ikkje so glad i svarte kle,
men har likavel nokre plagg i den fargen.

Her ein liten stoffbit i nakken av kåpa.

Kåpa er klipt av til litt over knehøgde.
Og litt grøn pynt tilfeldig nede ved splitten.

Erme.

Kragen frå den grøne kåpa har eg sydd på den eksisterande kragen.
Øverste del kan brettast opp og ned kvar for seg,
feks den svarte delen ned og den grøne delen opp.

Ermene er lagt opp,
gjekk alltid med oppbrett på ermene når den var i bruk.

No har kåpa mi fått eit nytt liv, og kan takast i bruk igjen.
Den skal ikkje henge på boden no lenger :-)

Liten og rosa

2012-02-01T13:21:00.003+01:00

Har strikka ein liten rosa kjole.
Det tok igrunn lenger tid å få på knappane,
enn å strikke den :-)

Mønster: Kreativ Strik
Str: 9-12 mnd
Garn: Viking Baby ull

Nytt teppe

2012-01-20T10:58:00.005+01:00

Starta med nokre nøster Sandnes mini palett.

Etter 88 ruter hekla eg blå/grøn kant rundt dei.

Her er dei uten den blå/grøne kanten.
Var spent på korleis dette skulle bli til slutt.

Ein del timar seinare er teppet hekla ihop,
hekla rundt, vaska og tørka.

Det vart kvikkare i fargane når eg fekk den
blå/grøne fargen mellom rutene,
synest eg.

Garn: Sandnes mini Palett
Vekt:670 gr
Flatt mål: Ca 175 x 130 cm

Har ikkje vore gjort so mykje anna
handarbeid etter nyttår enn dette.
Var bestemt på å få dette ferdig først,
før eg tok til på noko anna.
Har minst to tepper til i planane mine,
eit av dei MÅ eg ha ferdig til høsten..
Men det skal gå bra,
artig handarbeid dette.

Litt av kvart

2012-01-11T13:12:00.004+01:00

To par alligatorpulsvarmere er endeleg ferdige.
Vart lagt til side før jul til fordel for anna handarbeid,
og då vert det lett liggande lenge.

Dette prosjektet her tek mykje av fritida mi no.
Spennande når det nærmar seg slutten på arbeidet,
trur det blir bra til slutt.

So MÅ eg berre vise ein av julepresangane eg
fekk frå vår kreative dotter og kjærasten hennar.
Ei øsje med brukte sykkelslangar..
Spennande :-)
Gler meg til å komme i gang med å lage noko lurt av dei.
Ventar berre på rette "gnisten" og gode idear skal dukke opp.

Kjekt å ha

2012-01-08T11:54:00.006+01:00

Heisann, og godt nyttår til deg som er innom.
Har hatt ein lang bloggpause,
men produksjon har det vore :)
Her er litt av det eg laga før jul.

Stoffposar er greit å ha til å oppbevare div i.
Har prøvd meg litt med lappar, blonder og blomster.

Begge posane er fora med kvitt stoff,
som eg synest er ein fordel.
Då kan ein lettare sjå innhaldet.

For mange år sidan sydde eg hyssingpose til mor mi.
Prøvde til igjen, men denne gangen i litt meir avansert utgave.
Vattere og frihåndsquilte er noko eg ikkje har gjort so mykje.
Er ikkje sikker på om eg har gjort det rett,
men er godt fornøgd sjølv.
Det var moro når eg kom inn i det og greidde å slappe
av mens symaskina gjekk.

Det vart to utgaver denne gang,
som havna under forskjellige juletre som gave.

Desse posane er ikkje fora,
og sydd av stoff frå det STORE stofflageret mitt.

Sjølv likar eg ufora posar.
Tek mindre plass når eg har handarbeidet i den,
og skal ha den med i handveska.

Småting

2011-12-09T18:52:00.003+01:00

..Gryteklut til begge hender er godt å ha
når ovnsbrettet med ferdigsteikte julekjeks skal ut av ovnen.

Her er bilde av to av dei.
Har laga fire slike,
av gamle kjøkkengardiner,
gamle dongeribukser og to lag vatt
( slik vatt som skal vere inne gryteklutar ol, hugsar ikkje kva det heiter)

..og to poseholdere av stoff eg har kjøpt på bruktbutikken i Førde.

Marius, Marius

2011-12-04T11:08:00.003+01:00

Tre bestillingar er ferdig og levert.
Mariusmønsteret er alltid like populært.
Her som mobilvesker.

Ellers er det strikking av bestilte gryteklutar
og div bestillingssaum det går i.
Og andre syslar som høyrer til i adventstida.
Har ikkje det som kallast fritidsproblem, akkurat.
Jula kjem like fort på kvart år
sjølv om ein veit akkurat kva dato den er på .. :-)

Småbitar

2011-11-30T13:05:00.004+01:00

Eg har lagt opp ermene på blusen til mor mi.
Flott farge og stoff.
Det var berre to bitar på 8 cm,
men eg kunne ikkje kaste noko so fint.

Litt sytråd, blonder og blanke knappar seinare,
Hadde eg seks pyntenåler/brosjer.

Bak har eg sydd på brosjenåler.

Mamma fekk sjølvsagt velge seg ei av dei.

Bestilling

2011-11-28T10:23:00.005+01:00

Ei dame kom med dette settet
og lurte på om eg kunne lage ei veske av det.
Skjørt og vest frå nokre år tilbake,
men for fint å kvitte seg med.

Vanskeleg å gjengi rett farge.
tok bilde med og uten blits,
orginalfargen er sånn midt mellom.

Etter litt tenking og grubling
blei det veske til slutt.
Inni er det lommer.
Eine lommen er innerlommen frå vesten,
mobillommen er av ytterstoffet
og eit par lommar til..

Framsida av veska er selfølgeleg av det fine broderte stoffet i vesten.

Her er òg bilde med og uten blits..

Skulderreima er av borda nede på skjørtet.
Forsterka den med svart vevd band på baksida
og litt vatt mellom.

For å få brukt mest muleg av settet,
har eg hengt knyttebandet,
som vesten var knytt ihop med,
på hanken.

Mottakar var storfornøgd :-)

Koseleg førjulssyssel

2011-11-24T23:02:00.003+01:00

Tre nye tennbrikettbokstrekk.

Laga av ullteppe, pynta med rødt bomullsgarn,
glittergarn, tau.
Og ein liten bomullstoffbit eg fann blant
gamle sysaker på loftet hos mine foreldre.

Kanten oppe på dei to ytterste trekka
er orginal-kanten av ullteppet.

Kosar meg når eg får gje gamle ting nytt liv.

LFC

2011-11-22T12:21:00.003+01:00

Her er det for tida lite blogging og bloggbesøking av meg,
men produksjonen går for fullt.
Det nærmar seg julemesse,
og då går fritida til forberedelser til den.

Då eg strikka desse gryteklutane,
kom det spørsmål etter andre fotballag-navn..
Har prøvd å lage det,
her er første grytelapp-par med Liverpool FC.

Garn: Bomull Sport, Gjestal.
Mønster: eigekomponert.

På pulsen

2011-11-16T08:25:00.003+01:00

Pulsvarmere kunne ein lage kvar dag.
Dei går unna nesten før dei er ferdig strikka.
Her er min variant av eit favorittmønster.
Orginalen er Elf Clobber,
men eg har strikka brotet i små enkle fletter
i staden for vridde rettmasker.

Eit anna favorittmønster er alligator.
Desse blir eg ikkje lei av å strikke.

Desse har eg ikkje mønster på,
prøvde meg berre fram.
Det er vel liknande mønster på nokre vottar eg har sett på nettet,
men her i mindre format.

Eg fortsetter med gjenbruk..

2011-11-14T15:09:00.007+01:00

Denne reklame-banneren har eg fått frå frisøren eg går til.
Slike skiftar dei ut av og til,
og då var det kjekt å få lage noko av den i staden for å kaste.

Av denne sydde eg veske/nett.
Kjent fotballspelar på eine sida..

...og reklame for RENATI på andre sida.

Hadde stoff igjen til ein pose,
kjekk til å oppbevare div ting oppi.

Det blir mykje vesker/nett på bloggen min.
Men likar ikkje plastposar,
so eg håpar mange går over til stoffnett når dei handlar..

Etter eg laga pute av ein gammal genser for ei stund sidan,
vart ermene liggande igjen.

Fekk sydd to trekk til tennbrikettboksar av dei.

Trekket kan takast av å treast på ein ny boks når denne er tom.
Eller den tomme boksen kan jo òg brukast til å oppbevare noko anna i.

Salsutstilling

2011-11-12T18:58:00.003+01:00

I dag har eg og datter vår vore på Askvoll og hatt stand.
Trudde ikkje eg hadde so mykje å stille ut,
men det var visst blitt ein del likavel då eg fekk samla alt.

Det har vore mange innom for å sjå og kjøpe.
Og mange positive tilbakemeldingar å få.

Sit att med ein god følelse,
og masse inspirasjon til å fortsette å gjere det eg likar:
Å fylle mykje av fritida med handarbeid av div slag.

Omatt

2011-11-08T16:37:00.005+01:00

Denne flotte reklame-banneren har eg fått frå den lokale Flugger butikken vår.
Eit kraftig og glansfullt stoff,
som det var vanskeleg å sette nåler i.

I dag har eg sydd to vesker/ nett av den.

Her er eine sida av den største..

... og andre sida.
Klåre og fine bilder på stoffet.
Bunnfargen kjem ikkje godt fram her,
den er fin olivengrøn.

Og her, bilde av den minste.
Denne måtte eg sy på langs for å få utnytte stoffet.
Men, kvifor ikkje.
Godt fornøgd med den, eg :)

Alligator

2011-11-06T12:07:00.003+01:00

Dette er eit mønster eg likar godt.
Kjekt å strikke, og artig effekt synest eg.
Desse er strikka på bestilling, og sendt til Fredrikstad.
Håpar dei fell i smak hos mottakar.

Har prøvd ein, for meg, ny sort garn frå Viking Garn.
Kjempegodt å strikke, og mjukt og godt å ha på.
Har skaffa meg meir av dette garnet,
og produserer for fullt.
Lørdag skal eg ha salsutstilling i andre etasje i Coop-bygget på Askvoll.
Då er det greit å ha litt av kvart å vise fram :)

Gryteklutar

2011-11-02T21:47:00.005+01:00

Eit nytt par fotball-gryteklutar er ferdige.
Samme sort garn og eigendesigna mønster som første par.

Oppskrift

2011-10-31T22:33:00.003+01:00

Det har vore spørsmål om eg vil dele oppskrifte på desse vottane.
Tenkte eg kunne skrive ned opplegg, felling mm,
so kan ein stripe i vei med dei fargane ein har/vil ha.

Str 2/4 år og( 6/8 )i parantes.
Eg har brukt Viking Superwash og anna garn med strikkefastheit ca 23m.
Pinnar nr 3 og 3 1/2.

Legg opp på strømpepinne 3,
36(40)m og strikk 2 rett og 2 vrang 6 cm.
Skift til pinne 3 1/2 og strikk ca 3 cm glattstrikk.
Strikk inn ein tråd over 6 m til tommel.
Når votten måler 5(6)cm frå tråden for tommel.
Fell votten i kvar side slik:
Strikk 1m, så 2m sammen, strikk ut pinnen.
På 2. pinne strikker du til det er 3m igjen.
Ta 2m sammen og strikk den siste m rett.
Deretter felles det på 3. pinne som på første pinne
og 4. pinne som på andre pinne.
Denne fellingen gjentas til det er 2 m igjen på kvar pinne,
trekk ein tråd gjennom desse og fest godt.

TOMMEL:
Ta ut tråden og ta opp 12 masker på 2pinner nr 3 1/2 + 1 m i kvar side.
(Eg brukar 4 pinnar, får ikkje til å strikke rundt på 2 stk)
Strikk tommelen ca 3 cm og fell av 2m i begynnelsen av kvar pinne.
Når det er 2m igjen på kvar pinne, trekkes tråden gjennom.
Den andre votten strikkes tilsvarende, men med tommelen på motsatt side.

Dette er eit gammalt mønster eg har funne.
Håpar det kjem til nytte for nokon :)
Lykke til.

Smånøster må òg brukast

2011-10-25T17:43:00.004+02:00

To par vottar av div smånøster.
Godt å få bruke opp av desse småendane
som blir til overs etter større prosjekt.
Og kjekt å sette ihop fargar,
nokon passar godt ihop og andre er mindre vanleg å sjå saman.
Men vottane er like varme uansett farge :-)

I dag kunne eg ta bilder ute i sol.
Har hatt nokre milde,solrike men vindfulle dagar.
Herleg med fint høstveir.

Greidde det til slutt.

2011-10-23T18:36:00.005+02:00

Yes, der fekk eg det til.
Veit ikkje om det er heilt rett,
men er fornøgd med resultatet :-)
Har kjempa ein del med desse,
men med gode hjelpere vart det lettare.
Stor takk til SOLSAUM som ville prøve ut mønsteret for å hjelpe meg,
Og til FRU KEILEGAVLEN,
som kom ho i forkjøpet å sende meg litt av oppskrifta på norsk.

Det var kjempekjekt å endeleg få det til.
Har planar om fleire slike,
synest dette mønsteret er nydeleg.

Kunststrikk

2011-10-18T12:02:00.004+02:00

Dette ga meirsmak.
Har strikka duk for andre gang,
og det er sikkert ca ti år sidan den første.
Då freista det ikkje å strikke fleire..
Kjøpte garn på Domus i Førde for to veker sidan i dag.
Lørdag kveld hekla eg den av,
og søndag strekte eg den på isoporplater.
Mål: 70 cm i diam.
Garn: mandarin heklegarn frå SandnesGarn.
Fargen er litt mørkare lilla enn på bildet.
Ikkje lett å få orginal fargen fram på foto.

Hampvott

2011-10-16T10:09:00.006+02:00

Har endeleg fått prøvd noko eg har hatt i tankane ei stund.
Strikke hampvott var noko anna enn å strikke duk med tynne pinnar og tynn tråd.
Er foresten ferdig med duken eg visste i tidlegare innlegg.
Må berre strekke den før det blir bilde.

Kjøpte tau/hamp på Biltema for ei stund tilbake med dette i tankane.
Hamp skal vere bra for å få vek døde hudseller,
det merkar eg på fingeren som "tråden" glir over.
Måtte strikke litt kvar dag, ellers hadde eg vore hudlaus på den :)

Mens eg strikka tenkte eg på sammansyinga,
og fann ut eg skulle hekle den ihop med bomull sport i ein anna farge.
Har mange smånøster liggande av den sorten,
greit å få bruke av dei òg.
Vart ganske fornøgd med denne.
Har planar om å lage såpe til den òg,
men det får tida vise.

Oter på tur

2011-10-12T11:10:00.004+02:00

Denne karen kom springande mot meg på vegen,
då eg var på vei heim frå min daglege trimtur.
Det er ca ein halv kilometer frå sjøen,
og han sprang oppover frå sjøen..
Til venstre på bildet går ei elv nedover dalen,
og då han kom litt lenger opp svinga han av og sprang mot den.

Desse mobilveskene har lagt lenge å venta på navnelapp og trykknapp.
Eg likar ikkje å må sitte med slikt "dill" for å få dei ferdige.
No ligg dei på kjøkkenbordet, so gjer eg ferdig ein etter ein litt etter kvart.
Det er jo ikkje so lenge gjort når ein først begynner.

Dei hadde vel vore ferdige fortare hvis eg hadde nok trykknappar på lager.
Men blei lagt vekk til eg hadde kjøpt meir,
og då var eg jo begynt på noko nytt og spennande handarbeid.

Har vurdert å sette i borrelås i staden for,
men dei er enda verre å sy i for hånd..

Redesign

2011-10-10T15:57:00.005+02:00

Forige helg var det redesignkurs igjen,
og eg var selfølgeleg med.
Vanskeleg å bestemme seg for kva ein skal begynne på,
har so mange planar om div gamle kle som skal fiksast på.
Denne gang var det ein avlagt julekjole m paljettar,
og ein tunika/sid jakke etter bestemor som fekk saksa i seg.
Kjolen har eg brukt berre ein gong, likte ikkje fasongen,
men stoffet er jo artig, glitrar som berre det :-)

Tunika/ jakka etter bestemor har eg hatt liggande enda lenger.
Og endeleg fekk eg nytte litt av den.
Fann ut desse stoffa passa fodt ilag.

Her er i allefall ferdigsydd kjole.
Klipte av ermene,
laga nytt bærestykke 0g sydde den inn.

Det var litt for kaldt å ta bilder ute i dag,
men sola skin, og det måtte vi få med.

Bak har eg sydd innsnitt og tatt litt inn i sidene.
So no er julekjolen klar i god tid.

Takk for velvilje til å hjelpe meg med heklinga i forige innlegg.
Kjem igjen med bilder når eg har fått det prosjektet ferdig.
Eller kanskje før..

Hjæælp!!

2011-10-07T10:52:00.004+02:00

Er det nokon som kan hjelpe meg?
Har lenge hatt lyst å lage pulsvarmarane: Elf clobber.
Å lage noko etter engelsk oppskrift,
er noko eg aldri har prøvd.
Gjekk bra so langt ( bildet øverst )
men når eg skulle hekle, vart det berre oppattrekking..
Dette får eg ikkje til :-(
Er det nokon som kan forklare meg første partiet på hekleborda?

Manglar ikkje handarbeid mens eg grublar på pulsvarmarane eg ikkje får til.
Her er eit lite glimt av andre prosjekt som er i sving.

Strikkar hyssing/tau på pinne nr 5..

Prøver meg på kunststrikk.
Har strikka ein duk før, for mange år sidan.
So det var artig å prøve igjen.
Tynt garn og pinne nr 2.

Har alltid eit nøste Palett og heklenål i veska,
so det blir nokre heklaruter i løpet av veka òg.
På ferje, i bil og ellers når det er ei ledig stund :)
Var òg godt å ha når vi kjøyrde til Førde her om dagen,
kom over asfaltlegging med opptil ein time venting for å sleppe forbi.
Men ingen fare, kosa meg med handarbeid den stunda, eg :-)

Kjem på fleire handarbeid som ligg nesten ferdig,
men dei har eg ikkje bilde av.
Kanskje eg skal ta å gjere dei ferdig..

Ynskjer deg som er innom ei kjempefin helg.

MUFC

2011-09-27T12:57:00.006+02:00

Litt strikking må til når ein vil ha forandring frå symaskin og heklepinne.
Eldste son vår er blitt huseigar,
og då må ein jo ha gryteklutane klar på kjøkkenet.
Og ihuga Manchester United fan som han er,
ville eg prøve å lage noko til han med laget sine bokstavar på.
Her er resultatet:
Garn: Bomull sport, svart og rødt.
Ikkje godt å få fram rette rødfargen.
Mønster: Sjølvlaga, strikka på rundpinne,
mønsteret er likt på begge sider.

Tirsdag er fridag, då er det forskjellig som skulle vore gjort.
I dag tidleg tok eg føre meg kjøkkenskuffa der mjølet er.
Tømde mange restar i bakebollen og laga brød av dei,
so no er skuffa ryddig og rein.
Utruleg kor god plass det blir i ei skuff etter litt rydding.
Og brøda vart kjempegode, om eg må sei da sjølv.
Utan kveitemjøl og berre grovt og div korn,
er dei akkurat slik eg likar dei.

Ellers går det meste av dagen med til søm,
litt småoppdrag som er gode å få unna.
Og kanskje tid til overs til å få prøvd ut nokre idear :)

Begynte med nytt enda opp med brukt

2011-09-25T20:19:00.004+02:00

Til høgre på bildet er eit flott stoff eg kjøpte for å sy meg tunika..
Men hadde kjøpt for lite, og leitte i mitt store lager av kle og stoff
for å finne noko å supplere med.
Fann bla dette kappeskjørtet til venstre på bildet,
eit skjørt eg kjøpte på salg ein gong i tida.
Ikkje fordi eg likte skjørtet, men falt heilt for stoffet og fargane.

Dette var sist tirsdag, og eg skulle ha noko nytt til helga.
Har nemleg vore på Skei Hotel med ØyaMøya
( revygruppa eg er med i ) m følge.
Vi var ein del av programmet på hotellet lørdag kveld.
Kjempekjekt..
Tilbake til saken.. enda opp med å sy meg kjole av dette skjørtet.
Då eg klipte av kappane og glatta ut, vart det mykje godt stoff.
Heldigvis var foret og av samme stoff,
det blei til bolen.
Ermer og nederst på kjolen er av nederste kappen av skjørtet.

For å stæsje opp litt, sydde eg på ein løpegang over kappen
og sette i det som var knyttebelte på skjørtet.
Duskane knytte eg berre på,
for so å kunne knytte dei av når kjolen skulle i vaskemaskina.

Halskanten skjøtte eg ihop so det vart fleire fargar,
likar det når det ikkje er heilt likt på begge sider.
Kjolen er litt krøllete på bildet.
Grunnen er at den kjem rett frå kofferten,
er at eg brukte den på dansen på hotellet i går.
Og måtte få yngste guten til å ta bilder av meg før han reiste til førde igjen
til ny veke på vidaregåande,
og då tok eg meg ikkje tid å stryke.

Her er ho mor sjølv i festantrekket :)
Litt sliten etter ei helg på hotell,
men det skal ein vel vere.
Må kose seg når ein er på slike oppdrag..

Bak er det ei lita fold i ryggen.
Ellers er kjolen aldri so lite innsvinga i livet og
skråa ut nedover skjørtet.
Stoffet er tynt og lett,
her står kappen ut pga vind.

Kjolen var behageleg i bruk,
kjem nok til å slite på den utover hausten.

Takkar for mange koselege tilbakemeldingar i forige innlegg,
det inspirerar til nye idear.
Fekk foresten nokre lyse idear på bilturen heimover i dag.
Da gjer godt å berre lene seg tilbake å la tankane suse av og til :)

Pimping up my boots :-)

2011-09-22T20:26:00.005+02:00

For nokre månadar sidan kjøpte eg nokre støvlettar på salg på postordre.
Men med mine store leggmusklar,
er det ikkje alle støvettar eg får opp glidelåsen på.
Det samme var med desse.
Likte godt støvlettane, og gjekk til skomakaren for å få dei fiksa,
men han skulle ha 500.- til 600.- for det.
Med sko til 200.- ville eg ikkje bruke so mykje pengar på dei.

Etter mykje tenking og grubling,
fekk eg ein lys idè.
Satsa skona og gjekk laus...
Klipte opp bak,
laga hull nedover på kvar side..
..og fann fram heklenål og bomullsgarn i garnlageret mitt..

Og etter litt prøving og feiling vart resultatet slik.
No får eg opp glidelåsen utan problem,
og har støvlettar som ingen har maken til :-)

So gjenstår det å sjå korleis dei fungerar i bruk..
..og blir eg lei,
kan eg berre sprette dette vekk og sette på snøring,
lage anna kile eller kanskje det dukkar opp ein anna lys idè.

Søndagstur

2011-09-18T23:11:00.009+02:00

I dag har eg vore på tur i flott natur,
som starta rett over vegen frå huset vårt.
Her kjem eit bilderas frå turen.
Eg berre knipsar i vei mens eg går,
då er det alltid nokre bilder som kan brukast.

Bildet over er litt av bygda Herland der eg bur,
tatt mot nord.

På første topp, kalla "Tyskarhytta".
Flott utsikt mot vest og av Alden og Tviberg.

Her er Brurastakken til høgre
og den mykje fotograferte Alden i bakgrunnen.
Den har eit lag med å komme med på mange bilder..

Turen gjekk ned langs foten av Brurastakken..

...heilt ned i fjæresteinane.
Der stod ein postkasse..

.. i den ligg det ei bok som turgåara kan skrive seg inn i.

Eit lite kristtorn tre midt i ei lyngtue.

Der var ein del slike busker med røde bær på.
Veitt ikkje kva dei heiter.

Mykje flott stein, i mange variantar.

Fine høstfargar er begynt å vise seg i naturen.

Svarte bær..

...

Ikkje mykje bølger i dag.

Då er det berre å begynne på motbakkane.
Her er det sett opp stigar og kjetting til rekkverk,
for å kunne komme seg oppover.

Etter ein del pust og pes oppover og oppover,
er eg på toppen av Brurastakken.
Vel verdt turen.

Her har eg tatt bilde av boreplatformane som ligg vest for Alden.
Ganske uklart, har sooma heilt inn med kameraet.

Etter tre timar var eg vel heime,
kunne nok gjort turen unna på halve tida.
Men det er mykje flott å sjå på,
og godt å ta seg tid å nyte ein slik flott dag.

Ballongkjole

2011-09-14T22:58:00.004+02:00

Denne kjolen strikka eg ferdig i ferien,
og so har den lagt i fleire veker og venta på å få knappestolpe..
ikkje det kjekkaste eg gjer, men fort gjort når ein først set i gang.
Desverre dårlege bilder, sidan eg tok dei på kveldstid.

Mønsteret er frå boka Retromasker av Tine Solheim, og strikka i Sisu.
Men med litt forandringar.
Har ikkje strikka inn so mange perler som det skulle vere,
og har brukt av garn og fargar eg hadde liggande.
Har strikka den i str 4 år,
men ser no at eg har vore utolmodig med mønsterstrikkinga.
Skjørtet er litt kortare enn det skulle vere,
so den er kanskje ca str 3 år..
Trur eg må finne ei jente i tre års alderen,
so eg får prøve den på.
Får ikkje heilt rette inntrykket av den når kjolen heng på ein klehengar.

Her er nesten rette fargen på kjolen.

Strikke, hekle, sy..

2011-09-05T10:31:00.004+02:00

Dei siste dagane har eg vore overivrig på handarbeidsfronten.
Ikkje at eg har so mykje ferdigstilt å vise fram,
men har starta på mange forskjellige prosjekt..
Har fire forskjellige handarbeid på gang,
pluss div prosjekt med symaskina.
Her om dagen fekk eg bestilling på strikka mobiletui.
Korga med Fritidsgarn og tjukke pinnar vart henta fram,
so var det berre å senke seg ned i god
stolen.

Hugsar ikkje heilt kva farge ho ville ha,
so no strikkar eg opp eit lager so kan ho velge.
Dette er resultatet so langt..

..og det skal bli fleire, i andre fargar,
mykje garn å ta av.
Inspirert av fanamønster,
men opplegg og ideen til mobiletui er frå eige hovud.

Her er dei avbilda attmed to herlege troll
som vart kjøpt på Lom i sommar.
Og lysestakane er laga av datter og eldste sønn.
Ho hadde ideen og komando,
og han saga og bora hull til telysa.
Slike ting likar ho mor :)

Etui må til..

2011-08-29T10:41:00.005+02:00

No har eg tatt det store skrittet å kjøpt meg ein Iphone4.
Artig dings dette :)
Mykje konsentrasjon dei første dagane
når meldingar oa skal skrivast.

Kunne liksom ikkje berre sleppe denne
flotte saken nedi veska utan beskyttelse.
Måtte i hu og hast lage meg ei lita veske til den.
Det var litt ullstoff og ein knapp..
enkelt og greit.
Men etter å ha brukt den nokre dagar,
fann eg ut at eg skulle lage fleire slike.
Og at det hadde vore fint med litt dekor på.

I går fann eg fram meir ullstoff, litt trådrestar,
som eg har ein god de av..
og ei filtenål som eg aldri har brukt før.
Slik vart den på baksida..

.. og framsida, open..

.. og lukka.
Dette må eg prøve meir, med ander fargar
og kanskje anna stoff og dekor.
Slike ting er sikkert greit å ha til salgs på messer ol.

2011-08-22T22:10:00.007+02:00

I sommar greidde eg ikkje stå imot då det var posesalg av garn i nærområdet.
Eg kjøpte ein del garn då, ja...
Blandt nøsta var det Palett, som eg lenge hadde tenkt å lage teppe av.
Fem nøster i ein farge og tre i eit anna fargeparti.
Det var greit arbeid å ha med då vi var på biltur i ferien,
og passeleg å ha med i veska.
Det nærmar seg 30 firkantar no,
fekk 19 stk av eit nøste..
blir spennande å sjå kor stort eg får teppet til slutt.

Har lenge hatt handarbeidet i ein stoffpose frå Søstrene Grene,
men fann ut at eg måtte ha ein sjølvlaga.
I går kveld sydde eg denne,
av eit stoff eg kjøpte i vår i Førde på Trapp Ned.
Heilt enkel og ikkje fora.

Denne blir flott å ha i handveska med heklepinne og nøste i,
klar til å svinge med heklekroken på ferja og i andre passande anledningar.

Sydde denne òg.
Vart inspirert av Timotei, som lagar so fine posar mm.

Har ikkje sydd so mykje lappar før,
men grei måte å få brukt opp smårestar på.
Denne er fora.

Gamle gardiner kan brukast til so mangt

2011-08-21T10:36:00.005+02:00

I går brukte eg dagen i sybrakka mi,
og let husarbeid vere husarbeid..
Godt å berre gjere det ein vil og ikkje berre det ein må, av og til :)

Eg klipte opp eit par av kjøkkengardinene mine,
desse har vore brukt som julegardiner.
So no er det ingen vei tilbake,
no MÅ eg berre ha nye til jul..

Resultatet ser du her.
Fire rundstrikkepinneoppheng.

Eg sydde eit til meg sjølv for ei tid tilbake,
og har vore vel fornøgd med det.
Har full oversikt over pinnane,
og eg slepp å rette dei ut når eg skal bruke dei.

Desse har eg lagt eit stykke tynn vatt i for å stive dei opp.
Kvitt skråband er sett på for å kunne skrive pinnestørrelsen på.
Og sidan eg har ein del slike gardinringar liggande,
fann eg ut eg kunne bruke dei som oppheng.

Meir gjenbruk

2011-08-17T23:03:00.004+02:00

Etter å ha laga denne veska, hadde eg ermene igjen av jakka.
Klipte opp dei langsgåande ermesaumane og laga veske av dei.
Den var allerede ferdig dekorert, med refleksband og striper.
Har lagt eit tynt lag vatt under ytterstoffet,
og sydd, quilta, nokre saumar for å halde den på plass.

Sidestykka, pynt på hank og lommer inni er frå ein
bluse eg aldri har vore fornøgd med fasongen på.
Hank er to skinnremser eg har bretta og sett på stoff på eine sida
Og kantane er frå ein lin-liknande duk eg har fått stearinflekkar på,
men sjølvsagt ikkje greidd å kaste av den grunn..

Foret er ei avlagt skjorte etter far i huset.
Har sydd igjen knappelukninga,
og latt den vere synleg inni veska.
Har sett magnetlås i toppen,
og sjølvsagt nøkkelsnor i veska.
Mønster har eg ikkje,
den har blitt til underveis.

Fiskarbondens helg og høgtid

2011-08-14T12:45:00.004+02:00

Som nevnt i tidlegare innlegg, hadde vi utstilling på krabbefestivalen.
Vi var fem damer pluss hjelpara som hadde ansvar for den.
Tema: Fiskarbondens helg og høgtid, og det kom mykje fint inn til utstillinga.
Folk henta fram bla flotte bryllaups-, komfirmasjons- og dåpskle
som vi prøvde å stille ut som best vi kunne.

Over er det bilete av konfirmasjonskjolar frå 1950 og 1960 talet.

Her er nokre eksemplar av kvardagsbunadar,
som var brukt rundt 1960 talet.

Flott drakt frå -50 talet.
Og barnevogn frå samme tiår.

Mange gamle fine dåpskjolar fekk vi låne.
Dokkevogna er mi, frå seint -60 tidleg -70.

Konfirmasjonsdressar frå 1974 og -75.
Artig å sjå slik sleng på buksene og platåsko.

Gammalt mokkaservice, som eg har etter mine besteforeldre.
Er ikkje sikker på årstall.

Og her eit flott par frå 1960 talet.
Fargar som eg likar godt.

Eg berre måtte prøve..

Under oppryddinga falt eg for fristelsen å bytte plass med prøvedokka.
Eit av dei få antrekka som passa min størrelse.
Det fleste kjolane var so forbaska smale i livet..

Der var mange andre flotte antrekk òg, men har visst ikkje fått tatt bilete av alt.
Og når det gjeld årstall eg har nevnt, kan det vere nokre som ikkje stemmer heilt.

Takker for fine komentarar i innlegga mine,
hyggeleg å få respons på blogginga.

gjenbruk

2011-08-06T14:02:00.003+02:00

Denne allværsjakka er nesten 20 år gammal.
Den har ikkje vore i bruk på mange år,
har tenkt å kaste den mange gonger.

Forige veke dukka den opp igjen, og då gjekk den i kassen med boss.
For so å bli tatt derifrå dagen etter,
måtte berre bruke den til noko.
Likar fargane på den..

No er den blitt veske :)
Ei vanntett veske.

Fòret og innerlommen er frå jakka òg.
Berre nøkkelsnor m karabinkrok er nytt.

Ei fargeglad og romsleg veske.

klipp og sy

2011-08-03T20:37:00.004+02:00

No er ein vellukka krabbefestival over for denne gang.
Det har vore hektiske men kjekke dagar,

Veka før gjekk med til forberedelsar av utstilling,
den kjem eg tilbake til seinare,
og øving til revyen vi framførte fredagen.

Søm har det vore lite av i det siste.
Men fredag hadde eg eit par timar ledig mellom klargjort utstilling
og revy-oppvarming.
Greidde ikkje å gjere noko fornuftig i huset,
eller sette meg ned å slappe av til eg skulle av stad igjen.

Då var symaskina einaste utveg,
Gjekk i sybrakka mi og fann roen der
:)

Hadde ei festival-t skjorte frå tidlegare år,
som eg klipte av.
Demonterte to andre tunikaer eg var lei av,
og sydde ihop.

Ikkje lett å ta bilde av seg sjølv alltid..
Prøvde meg på fotoshout i brakka.

Men etter ein times tid hadde eg sydd meg ny tunika,
likar den kjempegodt.

Den vart tatt ibruk som søndagsantrekk på festivalen.
Her er den nyvaska men ikkje stroken,
derfor litt skrukker her og der.
Det rettar seg ut når eg får den på,
er nok litt større enn prøvedokka :)

Dette skal eg gjere med andre t skjorter eg har òg.
Har nokre som eg likar motivet på,
men er ikkje glad i t skjorte fasong,
trivast betre med litt vidare hals og litt figursydd

Gamal genser

2011-07-23T22:36:00.005+02:00

Hadde Ein kjøpestrikkagenser eg var lei av.
Men likte fargen godt.
No er den blitt pute, og her framsida som er i lett flettemønster.

Ryggen av gensaren var rett og vrang,
for å få puta stor nok måtte eg la brotet vere med òg.
Har kanta den med eit lin liknande stoff frå ei gamal gardin.

På baksida er det konvoluttåpning.
Kanskje der må vere knappar i lukninga òg,
men det ser eg først når eg får tak i innerpute.
Den er ca 40 x 40 cm.

Sjøulk

2011-07-21T17:46:00.004+02:00

På ei bloggvandring såg eg ein sjøulk,
men finn desverre ikkje igjen bloggen eg såg den i.
Falt fulstendig for denne karen og berre måtte lage ein.
La inn bestilling av garnpakke hos Den blå tråd,
og etter eit par dagar kom den i posten.

Her er den ferdigstrikka, klar til toving.

Alltid like spennande når ein set på vaskemaskina og ventar på resultatet.

Og etter tørk, montering av sjegg, pipe
og hekling av fiskegarn.
Er eg fornøgd med sjøulken min.

Det vart ein staseleg kar,
som for øyeblikket skjuler ei flaske vin.

Med tida har eg planar om å lage fleire.

No blir det mest forberedelsar til Krabbefestivalen vi skal ha neste helg.
Med revy, krabbe i massevis, utstilling, aktivitetar for store og små
og mykje moro i heile helga.

Men det er alltid tid til litt handarbeid no og då.

Litt reklame

2011-07-17T16:11:00.004+02:00

På Coopen har vi Mix 3 for 69.- tilbud.

Det hadde vi i fjor sommar og i vinter òg.
Og desse store flotte reklameflagga
synest eg var for fine til å kaste då kampanjene var over.
Dei var brukte inne, so dei er like fine enda.
Her var mykje lett og fint stoff :)
2 x 3 m store er dei.

I dag har eg klypt opp eit av dei,
og sydd vesker/nett av det.
Lette og grei å ha i veska eller lommen når ein skal på butikken.

Det vart ni stykker av dette eine flagget.

Prikkane på netta er av noko som datt ned frå himmelen
då eg skulle ha fotoshout..
Vått var det òg, håpar det går vekk etterkvart...

Gryteklutar

2011-07-12T10:10:00.004+02:00

Desse gryteklutane såg eg i Bestemors blogg,
og endeleg har eg fått strikka eit par.
Har mykje garnrestar i bomull sport ol,
so eg har planar om å lage fleire slike.
Dei er strikka på rundpinne,
so dei er tjukke og gode.
Ingen brente fingrar på den som brukar desse.
Mønster fann eg her.

Toalettveske

2011-07-09T20:47:00.004+02:00

Har endeleg dulla meg til å lage toalettveske.
Kjøpte ein rest voksduk på Spar Kjøp for lenge sidan,
med tanke på ei slik.
Har klypt og sydd utan mønster,
etter det eg hugsar å ha sett på andre bloggar.

Fora den med turkis bomullstoff,
og kanta med dongeristoff av avklypte bukser.

Skjørt og topp

2011-07-03T10:56:00.006+02:00

Har sydd skjørt og topp til min kjære mor.

Stoffet er gråsvart med artige rysjer på.
Halskant og erme er i eit elastisk blondestoff.
Skjørtet er heilt enkelt med strikk i livet.

Og her er mamma,
vel fornøgd med arbeidet :)

Klokke

2011-06-29T10:47:00.005+02:00

Denne klokka kjøpte eg på Kremmerhuset i Bergen.
Det er ei tynn plate i alminium ( trur eg )
med eit bilete som ser slitt og gammalt ut.
Passa perfekt til eit prosjekt eg hadde i tankane.

Eg har fått eit av pappa sine utbrukte sagblad,
og har vaska av det verste rusta.
Litt rust må der jo vere..

Etter litt demontering og montering,
vart det ei kjempefin klokke.
Foreløpig har eg ikkje hengt den opp,
den blir nok for tung til å henge opp etter utverket.
Kanskje det må bli eit bord- eller golvur..

Er i allefall fornøgd med resultatet :)

Rosa kjole

2011-06-13T11:17:00.003+02:00

Har sydd ein kjole på bestilling.
Den skulle vere enkel, smal og rosa.
Får ikkje fin saum med tvillingnål,
so eg brukte denne pyntesaumen til opplegget.

Gjekk utifrå ein topp som passa jenta,
og sydde denne kjolen.
Den ser lang ut på bildet,
men er ca str 8 år og rekk ned til kneet.

Hylle

2011-05-30T18:22:00.003+02:00

Denne hylla har eg fått etter bestemor.
Den har lenge vore brukt til skruar ol,
og havna under div rot og nesten gløymt..
Men etter å ha sett fleire slike på nettet i det siste,
kom eg på at eg òg har ei slik.
Den vart tatt inn igjen i varmen,
vaska og stelt.
Og no står den på kjøkkenbenken,
med litt fleire skuffer fylt enn det bildet viser.
Manglar disverre dei runde boksane,
men det passa godt med vinflasker i dei største hola.

Rakved

2011-05-26T20:34:00.004+02:00

I påska kom datter vår heim med noko stort, flatt,

innpakka i bossekk.
Spenninga var stor då eg skulle få gleden av å opne opp.
Inni var denne glassramma, godt nedslitt av sjø og veir.
Ho hadde funne den i ei fjære, då ho var på påsketur.
Hatt den med seg på buss, hurtigbåt og ferje,
so eg skulle få den.
Det var stor glede i heimen då eg såg denne,
har lenge ønska meg ei slik.

No har den stått ute i regn og vind,
og er komt i hus til tørk.
Gler meg til å sette i gang å klargjere den,
kjem bilder seinare av resultatet :)

Vi har òg vore i fjæra her heime å plukka rakved,
alltid like spennande på slike turar.
Her har eg fått ny oppbevaring til zaloflaske og oppvaskkost.
Ein teboks med rakved rundt.

Og kamuflasje til håndsåpe på badet.
Begge desse er det dotter vår som har laga til.
Vi er begge ganske inspirert av GundaM,
som får til det utrulegaste av det utrulegaste :)

2011-05-24T13:29:00.003+02:00

På revyen vi hadde i april,
skulle vi ha med bla ambulansefolk.
Då måtte eg prøve å strikke slike fine huer som
dei som kjøyrer ambulansebilen i vår komune har.
Trur dei vart ganske lik,
men i allefall vart dei brukt i revyen.

Gler meg til vi skal spele den opp igjen på øya`s
Krabbefestival i slutten av juli.

Redesign

2011-05-12T20:40:00.002+02:00

På redesignkurset eg var på tidlegare i år,
begynte eg på ting eg ikkje rakk å fullføre då.
No har eg fått dette ferdig.
Fann ei gammal hullete strikkejakke,
og eit vidt skjørt som eg fekk av ei dame for mange år sidan.
Og som eg ikkje har greidd å kaste.
Skjørtet er i fint ullstoff,
so det har fått ligge, kunne jo få bruk for det ein dag :)

Det var med tungt hjarte eg klipte sund jakka
som mor mi strikka for mange år sidan.
Tenk å klippe sundt so mykje arbeid..
..men det skulle jo bli til noko nytt,
so eg trøsta meg med det.

Ein liten detalj, både til pynt og nytte.
For bak denne og ein til er det hull i det som var jakka.

Her har vi då denne fotomodellen igjen..
Kjole vart det i allefall,
og eg vart so fornøgd med den,
at eg trur eg kjem til å bruke den òg.
Må berre vente til høsten, det vart eit varmande plagg.

Bak har eg stesja den opp med ein liten detalj.

Inspirasjon til denne kjolen fekk eg her,
der er mange flotte kjolar laga av strikk og ull.
Ei side som er vel verdt eit besøk.

Tunika

2011-05-08T10:28:00.004+02:00

Til påske sydde eg meg tunika.
Stoffet kjøpte eg hos SømBeem på Askvoll,
vår lokale sybutikk.
Gjekk inn der berre for å sjå..
..men då eg kom over dette stoffet,
måtte eg berre kjøpe :)
Stoffet er chiffong,
fora med jersey, eller t-skjortestoff, som eg kallar det.
Foret er sydd som ein smal kjole,
men sjølve kjolen er vidare nede.
For so å strekke foret i nederkant og sy det til kjolen,
då blir det fin balongeffekt.
Har sydd på lukkekant rundt hals og ermer,
so for og kjole heng ihop oppe òg.

Eg ha litt problem som fotomodell,
greier liksom ikkje å stå i ro..
Likar meg best bak kamera.
Men, men, eg er som eg er :)

Kanskje best eg set meg ned :)

Ha ein fin dag vidare.

Hekla gevinstar

2011-05-05T17:54:00.005+02:00

Vart inspirert av Tovepia, og ville prøve å lage slike sett eg òg.
Dei vart ikkje so fine som hennar,
men eg vart sopass fornøgd
at eg kunne gje dei som gevinst på basaren eg skreiv om i forige innlegg.
Her er ein liten del av det eg gav som gevinst.

Måtte lage eit sett i påskefargar òg.

Garnpakke til desse har lagt i "tølene" mine leenge.
Sidan eg no prøver å bruke av det eg har,
i staden for å kjøpe nytt heile tida,
hekla eg desse som òg havna på gevinstbordet.
Mønster er frå boka HEKLING I SOMMERSOL,
med litt forandringar.
Garn: Hubro frå Dalegarn og pinne nr 8.

Har ikkje vore flink å besøke andre bloggar i det siste.
Har prioritert å bruke den tida som går til datasurfing,
til å gå turar i fjellet heromkring.
Treng litt mosjom
etter ein stillesittande vinter og vår med bunadsaum ol.
Men skal nok ta meg ei bloggrunde om ikkje so lenge.
Takker for alle fine komentarar på innlegga mine,
det er alltid like koseleg.

Jubileum

2011-05-03T12:23:00.003+02:00

Palmesøndag hadde Sneklokken Redningsforening
her på øya sin årlege basar.
Sidan vi har 80 års jubileum i år,
hadde vi mange gode kaker til kaffien.

Det kom nesten 200 personar på basaren vår.
Det var underhaldning av bla Atløykoret,
dei står og syng i bakgrunnen av bildet.

Mange flotte gevinstar,
både kjøpte og heimelaga..

..Og eit kakebord,
med nok kaker til alle, og vel so det :)
Vi fekk inn nesten 40 000.- denne ettermiddagen.
Kjempekjekt å lage til basar for Redningsselskapet,
når folk stiller opp å støttar ei slik god sak.

Kystdrakt

2011-05-01T10:02:00.004+02:00

Då er Kystdrakta levert.
Her er detaljar av krage og mansjett på skjorta,
kan ikkje skryte på med broderinga.
Det er bestemor til konfirmanten som står for.

Det har vore ein spennande prosess,
sidan det er første Kystdrakta eg har sydd.
Men det følgte med sømforklaring, steg for steg,
so dette gjekk greit.

Lomme må til,
denne med flott lyngbroderi på.

Samme motiv på smekke.

Her er ferdig drakt,
Skjorte, stakk, belte m lomme, sjal og cape...

..Med flott broderi i ryggen.
So er det å sjå om den passar til jenta.

Jess, den satt perfekt.
Litt uklart bilde, tatt m mobil i sterk sol.

Fin jente i fin drakt.
Ynskjer ho, tvillingbroren og resten av familien,
ein flott konfirmasjonsdag 8 mai.

Sunnfjordbunad

2011-04-29T09:14:00.004+02:00

Det har vore lite blogging,
men ein del produksjon og bildetaaking i det siste.
Bla har eg sydd ferdig og levert Sunnfjordbunaden.
Vesten og beltet er frå 1948,
den har eg berre tilpassa jenta som skal ha den.
Ellers har eg prøvd å lage resten slik den var,
berre laga stakken ein del lenger.
Den gamle var mykje kortare før.

Nede har eg brukt opp igjen banda,
den gule og grønne kanten.

2011-04-12T18:30:00.004+02:00

Sjølv om vi har hatt flott vårveir i dag,
har eg vore for det meste inne.
Det går i bunadsaum for det meste.
Lommen har vore ferdig ei stund,
men blogging har vore mindre med.
Sidan bunaden eg held på med er ein gammal som skal ny stakk på,
prøvde eg å lage lommen i samme stil.
Har brukt lommen etter bestemor mi som modell,
og brodert med fargar som passar til bunaden den skal henge på.
No er bunaden klar til prøving,
alltid like spennande når prøving nærmar seg.

Småstrikk

2011-04-11T21:02:00.005+02:00

Litt strikking må til innimellom bunadsaum
og arbeid.
Brukar fortsatt av garnlageret,
men synest ikkje det minkar noko særleg.
Kanskje eg må lage større ting for å få det til å minke fortare.

Med ein vellukka revvy forige helg,
går det no mot palmehelg og basar for redningsselskapets forening som eg er med i.
Sidan foreningen i år er 80 år,
blir det ekstra kjekt å lage til basar.

Då er det greit å strikke nokre par labbar, tøfler ol. til gevinstar.
Her er eit par Bosniatøfler, ca str 40-41.

Og eit par lommetøflar,
samme som eg har laga tidlegare.

2011-04-10T14:56:00.004+02:00

Denne prisen har eg fått av tre bloggere:
Siv, quiltoghagetausa, og Noe helt Anna

Kjempekoseleg !

Awarden skal gis videre til 5 blogger som har mindre enn 100 følgere, slik at vi kan la oss inspirere av hverandre.

Reglene er slik:

1. Man må linke til den man fikk awarden fra.

2. Man må sende awarden videre til 5 andre blogger.

3. Man må svare på 5 spørsmål.

Veldig vanskelig å velge, men det blir følgende fem som får awarden fra meg:

Ritashandarbeid

Malla

SNILLPIKE
Solveigs lek med garn og pinner
det blaa huset

Så var det spørsmåla:

Hvorfor startet du å blogge?
Etter å ha følgt med på andre bloggar,
tok eg mot til meg å laga min eigen blogg.

Hvilke blogger følger du?

Mest handarbeidsbloggar, men òg foto,
gjenbruk, interiør mm.

Favorittfarge?

Turkis står høgt på lista der.

Favorittfilm(er)?

Ingen spesiell, ser på det meste utanom skrekkfilmar.

Hvilket land vil du besøke og hvorfor?

Har igrunn ikkje vore so vide omkring.
Men Island har eg hatt lyst å reise til,
ingen spesiell grunn til det ønsket.

Teppe

2011-03-29T10:53:00.004+02:00

Heklateppet er ferdig.
Herleg å få brukt opp noko av alt garnet eg har liggande.

Garn: NOPPÈ BOUCLE - eit Jakobsdalsgarn.
70 % ULL, 30% AKRYL.
Målet på teppet er ca 1 x 1 m.
Vekt 390 g.

Åttebladrose

2011-03-21T10:52:00.005+01:00

Åttebladrose kan ein bruke til so mangt...

...På slik ein kald vår,
er det godt med ulltruse...
Her er baksida.

Som du ser, er dette herretruse :)
Såg slike på nettet for lenge sidan,
men det var ikkje lett å finne mønster.
Heldigvis fekk eg låne ei,
som eg har strikka etter.
Har foreløpig ingen plan om kven som skal få den,
måtte berre prøve å strikke ei :)

Har strikka den i Viking Frøya,
so den varmar nok godt.

Hm.. når eg ser på bileta no,
ser eg at eg har strikka åttebladrosa feil...
Ja,ja det var no berre eit prøveeksemplar :)
Hugsar heilt sikkert å sjekke at den er rett
neste gong eg strikkar åttebladrose.

Ha ein fin dag!

Det nærmar seg..

2011-03-17T23:38:00.003+01:00

No er eg endeleg komt godt i gang med bunadproduksjonen.
Eg arbeider best under press,
på fritida mi er det bunad, kystdrakt
og foreståande revy med mange øvingskveldar som gjelder.

Det verste er gjort på bunaden,
og stakken er klar for damping.

Ny kjole/tunika

2011-03-15T14:58:00.004+01:00

Har sydd meg kjole / tunika
av stoffet eg kjøpte på Trapp Ned i Førde.
Dekor, lommer og lukning var slikt
som eg bestemte etterkvart eg sydde.

Bak sydde eg på litt av det einsfarga stoffet og kroklisse.
Kroklisse sette eg òg på nederst, men ikkje rundt heile kanten.
Den ser litt rar ut i fasongen på dette bildet,
kanskje eg knipsa bildet frå feil vinkel.

Ein liten løpegang med snor bak i ryggen,
for å holde inn litt på vidda...

... og løpegang og snor i kanten nede.
Var so heldig å få tak i langerma tynn genser i samme blåfarge som stoffet,
greit å ha no framover våren.

Underskjørt

2011-03-13T09:02:00.004+01:00

Underskjørtet til Sunfjordbunaden er klart.
Det gjer at stakken på bunaden heng finare på.
Og so er det meir behageleg mot huda enn ulla i stakken.

I dag skal eg på langøving med revydamene,
det nærmar seg 2 april og premiere :)

Småstrikk

2011-03-10T11:03:00.005+01:00

Då vart det vinter igjen.
Kvitt landskap med nokre solgløtt innimellom.

Har strikka eit par lommetøfler,
so eg skal gje til ein person som takk for hjelp.

Har strikka dei i Ragg Soft frå Gjestal.
Mjuk og god å strikke, so likte eg godt fargane.
Håpar dei fell i smak.

Redesign

2011-03-08T16:17:00.004+01:00

Har hatt ei kjempefin helg på Redesignkurs.
Der var åtte kjekke damer med gjenbruk på dagsorden.

For min del starta eg med ei utslitt uniformsbukse og ei avlagt uniformsskjorte.
Har lenge hatt planar om å lage noko av desse,
men det har berre vore utsett til fordel for andre ting.
Men no var det jo redesign, so då passa det bra å få dette gjort.

Det er veske som har vore i tankane for desse.
Klipte ut lårlommen, kanta den med noko stoff eg hadde liggande.
Litt kaffi innimellom styrkar tankane og ideane kjem etterkvart ein syr.

Skjorta brukte eg som fòr.
Der var jo ein lomme frå før..

... På andre sida sydde eg på eit erme,
fekk då logoen inni veska, men men.
Delte den med ein saum og sette glidelås i eine delen.
Ei snor med karabinkrok er greit å henge nøklar i.

På framsida sydde eg på stoffbiten med lommen på,
so fekk eg to lommar.. eg får aldri nok lommar på vesker :)

Og med skulderreima sydd på litt nede på veska,
slapp eg å lage til lukning.
Kan berre brette ned kanten.
Det var ikkje lett å stryke den glatt,
sidan det er ei godt brukt bukse eg har sydd om.

Kjem tilbake til det andre eg har fått gjort på kurset.
Og heldigvis skal vi møtast eit par kveldar til,
det var nokre inspirerande dagar.
So det er bra det blir fleire av dei.

Kurshelg

2011-03-04T12:06:00.003+01:00

Har fått bok og materialpakke frå hobbyklubben i dag.
Blir kjekt å sette seg ned med kaffikoppen å kose meg med den.

Men på ein fridag frå arbeid er det mykje som skulle vore gjort.
Utanom dei vanlege huslege pliktene,
blir vel mest bunadsøm,
med nokre pauseinnslag med strikking
Før eg pakkar symaskin m tilbehør, gamle kle og anna,
som eg skal ha med på Redesignkurset i helga :)
Ser fram til kurset,
spennande å sjå kva dei andre har med seg og planar om å lage.
Håpar å kunne vise noko lurt i neste innlegg.

Greit å halde seg innandørs i dag,
for ute er det sterk vind og regn.

Ynskjer ei god helg til alle som besøker bloggen min.
Takk for besøket og velkommen innom igjen :)

Genser

2011-03-01T10:28:00.004+01:00

Har strikka Mariusgenser til dotter vår,
den er strikka i Viking Superwash.

Den er no sendt til ho so ho får ta den i bruk.
Håper det blir fint veir i Bergen by,
so ho får bruke den framover.
Men den er no god å ha under regnjakka òg.

Crazy Quilt

2011-02-27T12:07:00.004+01:00

Fredag reiste eg og søskenbarnet mitt til Førde på kurs.
Det var kurs i crazy quilt på Trapp Ned Butikken.
Har ikkje vore på kurs innan saum,
sidan eg gjekk eit år på saumlinja, tidleg på åttitalet,
( Huff det høyrdes ut som lenge sidan.. )
på det som den gong heitte yrkesskule.

Vi hadde ein kjekk dag,
over ser du modellen av det vi skulle lage.
Dette er ei festremse med to forskjellige blokker.

Her er blokkene eg rakk å lage.
Som du ser er eg glad i friske fargar.
Er ikkje heilt fornøgd med fargevalget likavel,
det er ein kunst å finne rette fargane.
Og med ein butikk som bugnar av flotte stoff berre ei dør unna,
er det ikkje enkelt å bestemme seg.
Men, men, det er no berre prøvelappar på ein måte.
Lærte no teknikken :)
Blir nok ikkje festremse av desse,
har tenkt ut noko anna eg skal lage av dei.

Seint på kvelden, etter eg var komt vel heim,
pakka eg inn ein liten presang til ho som var med meg på kurs.
Ho hadde bursdag dagen etter, i går altso.
Men eg hadde ikkje kort til pakken..
Fann fram ein liten stoffbit,
og tenkte å berre sy den fast på ein papirlapp..
..Men fann fort ut eg ville prøve meg på den teknikken eg lærde tidlegare den dagen.
Det vart ein liten firkant som eg vatterte....

...Sette linstoff på baksida, som eg skreiv bursdagshelsing på...

..Som òg kan brukast som underlag til kaffikoppen :)

Mottakaren vart kjempeglad,
og då er eg òg fornøgd..

Har meldt meg på Redesign-kurs på Askvoll til neste helg,
noko som eg gler meg til.
Det blir ein heilt anna form for søm,
enn det eg var med på fredag.
Lage nytt av gamalt er spennande.

Solskinn og kaffikos.

2011-02-21T11:04:00.003+01:00

Nyter føremiddagen, med sol og fint veir.
Her er utsikta mot nord- nordaust frå stova.

Litt kaldt å sitte ute enda.
So eg nyter føremiddagen ved kjøkkenbordet,
med kaffikopp, radio og bunadbrodering,
før eg skal på arbeid.

Ynskjer alle ein strålande start på veka.

Litt av kvart.

2011-02-18T15:53:00.003+01:00

Sjølv om eg ikkje har noko ferdige ting å vise,
er det alltid noko på gang.
Trur eg må legge inn søknad om fleire dagar og timar i veka,
so eg rekk over alt eg planlegg..
Dette garnet fekk eg av ei dame,
har lenge lurt på kva eg skal bruke det til.
Fargane likar eg, men det er litt hardt,
kanskje det blir betre når det har vore i vask..

Garnet er 70 % ull og 30 % akryl.
Det blei til at eg starta med hekle bestemorrute,
utan meir planar.

Sidan har eg berre fortsett på den,
trur eg skal hekle til der ikkje er meir av garnet.
Spennande å sjå kor stort det blir.
Dette arbeidet har eg liggande i bilen,
i tilfelle eg skulle gløyme å ta med strikketøyet mitt når eg skal med ferja.
Har fått unna mykje handarbeid i ferjekø,
og på turen over til fastlandet :)

Snart ferdig med mariusgenseren til dotter vår.
Skulle nesten strikka sokkar og panneband til den òg.
Vi får sjå etterkvart.
I tillegg til dette,
har eg ein bunad og ei kystdrakt under produksjon.
Bilder av dei kjem etterkvart.

Denne flotte skapningen kryssa vegen framfor bilen min i dag.
Eg måtte stoppe so den fekk gå over vegen.
Han var ikkje mykje skvetten, spaserar roleg på vegen midt i bygda.
Selfølgeleg hadde eg ikkje kamera med meg,
so det vart mobilbilete.
Litt uklart, men men.
Det gjekk bra, sidan han stoppa og snudde seg so eg fekk fotografere.

Dette glasshuset kjøpte eg på salg på blomsterbutikken på Aslvoll.
Greidde liksom ikkje å gå ifrå det.
Visste ikkje heilt kva eg skulle bruke det til.
Det får stå slik so lenge, med ei lykt oppi og ein sommarfugl til pynt.
Tek imot gode forslag til kva eg kan bruke det til..

Takk for fine komentarar i bloggen,
og håpar alle får ei fin helg.

Jentetur og morsdag.

2011-02-14T09:18:00.003+01:00

Fredag var eg og mamma på "jentetur" til Førde.
Uten store planar,
gjekk vi berre og såg oss om i butikkar.
Kjekt å gå slik utan å stresse med lang liste over alt ein skulle rekke over.
Eg måtte berre ein tur inn på Trapp Ned butikken,
for å få litt inspirasjon.
Og det fekk eg..
Kjøpte mønstrete og einsfarga lin,
med blonder og kroklisser til.
Har ein plan for dette :)

Dette stoffet måtte eg berre ha.
Kunne ikkje gå ifrå ein slik fin farge.
Veit ikkje kva eg skal bruke dette til enda,
men kjekt å ha.

I går var det som alle veit morsdagen.
Eg fekk ein nydeleg orkidè...

.... og denne boka.
Her er mange gode idear.
Eg var storfornøgd med presangane.

Var til mamma og pappa på kaffibesøk.
Eg laga kort i full fart.
Lenge sidan mamma har fått sjølvlaga morsdagskort frå meg.
Får det ikkje heilt til,
ser so mange fine kort på andre blogger,
men kjem ikkje på noko då eg skal prøve sjølv..

Slik ser det ut inni.
Ganske enkelt, men men
det er tanken som teller.

Den store mammadagen var avslutta ilag med
10 andre mammaer på revyøving :)
Kjempekjekt.

Genser og knekkebrød

2011-02-09T10:29:00.006+01:00

Denne genseren sydde eg søndag.
Var planen eg skulle ha den sjølv,
men under produksjon bestemte
eg meg for at eg skulle gje den til mamma.
Ein liten morsdagspresamg på forskudd :)
Kjekt å lage noko til ho,
når ho strikka ein slik fin duk til meg.

Stoffet kjøpte eg på Stoff & Stil i sommar.
Mønsteret er frå Alt om håndarbeides SY MAGASIN nr 1/ 2011.
Likte godt modellen,
må nok lage ein til meg sjølv òg.

Knekkebrød har eg laga tre gonger sidan lørdag.
Dotter vår fekk ein porsjon med seg til Bergen då ho var heime i helga.
Mandag laga eg til meg sjølv.
Og no tørkar siste porsjonen i ovnen,
dei skal eg ta med til foreldra mine når eg leverer gensaren til mamma.
Skal nedom dei ein svipp no før eg reiser på arbeid.

Takk for koselege komentarar på innlegga mine,
set stor pris på dei.

Ha ein fin onsdag.

Litt forandring, og vips...

2011-02-07T14:06:00.003+01:00

I helga har dotter vår vore heime.
Vi har kosa oss med strikking, filmar ol.
Og vi har vore på "skattejakt" hos foreldra mine.
Noko som eg sikkert kjem til å vise i bloggen ein dag.
Vi er like fasinert av gamle ting begge to,
so det var ei spennande stund å opne gamle kofferter,
og prøving av det vi fann :)

Denne frakken er altso ny.
Den har ho kjøpt på postordre,
men den var ikkje heilt etter forventingane.
Då er det berre å koble i symaskina og ta eit tak.

Ermane var for lange,
so der sydde eg eit par legg.
Fann ut det var enklare enn å ta av mansjetten og klippe av der.
Synest det pynta litt opp òg.

Etter å ha klippt av ein del av lengda,
vart det ei heilt anna jakke.

No kan jenta godt bruke jakka,
når ho går til skulen i Bergen by.
Beklager dårlege bilder,
slik går det når ein amatør tek bilder i dårleg lys og har lita tid.

Ha ein fortryllande dag vidare.

Bestemors lampe.

2011-02-04T10:09:00.003+01:00

I mangel på ferdiglaga produkt denne veka,
viser eg ein lampe eg har.
Den laga bestemor mi då eg var liten.
Ho hadde den i stova si, og eg har fått arva den.

Lampefoten er ei flaske,
som er trekanta nederst.
Den hadde ho med seg etter ein Amerikatur,
for å besøke slektningar.
Det har sikkert vore noko godt på den,
før den vart fylt med sneglehus som er plukka i fjæra.

Skjermen har ho hekla sjølv,
og pynta med brune velourband oppe og nede.

Einaste bakdelen med den,
er at ledningen er utanpå lampefoten.
Men det er vel ikkje enkelt å lage hull til den nede på flaska,
Og då vil den jo vise uansett,
sidan flaska er gjennomsiktig.
Det er ikkje på dette bordet eg har den ståande,
ledningen er meir skjult der eg pleier å ha den.
Tok den berre fram i lyset for å ta bilde av den :)

Ynskjer alle som er innom bloggen min
ei god helg.

Kunststrikk

2011-01-30T11:54:00.006+01:00

Denne duken har eg ikkje strikka sjølv.
Men må berre få vise den fram på bloggen min likavel.

Det er mor mi som har laga denne,
på bestilling frå meg :)
Eg har lenge ønska meg ein stor duk som ho kunne strikke til meg,
og når vi endeleg fann mønster,
var det ikkje lenge før den var klar.
Trur det var ca 1600 masker før avfelling,
ikkje noko eg har hatt tolmodigheit til..

Eg var med då ho skulle stive den.
Det er ikkje hjelp i å berre stryke ein slik duk.
Det er om å gjere å ha rette blandinga til stivelse,
og mange nok isoporplater til å strekke den over.
Den er 140 x 220 cm stor,
og passar fint på spisebordet vårt.

Er den ikkje flott?
Denne skal berre vere til pynt,
Det er ikkje ein slik duk ein vaskar og stivar so ofte.

Eit lite glimt av midtpartiet.

Denne duken fekk eg av mor mi si tante,
som blir 91 år i mai.
Dette er ein av mange dukar ho har strikka og stiva,
etter ho vart 90 år.
Ho har ikkje tal på kor mange ho har laga framover åra,
trur nok det har gått nokre meter garn mellom hennar hender..
Det er ein inspirasjon i seg sjølv,
å gå rundt i huset hennar å sjå alle dei flotte dukane ho har laga.

Sunnfjordbunad og Kystdrakt

2011-01-28T13:07:00.004+01:00

Bunadsesongen nærmar seg.
Etter forespøurnadane å dømme,
kunne eg sydd bunad kvar dag, heile året.
Men det hadde vorte for kjedeleg,
det er so mykje anna som er kjekt å lage òg.

Denne bunadlommen har eg sydd,
og den er no på vei til mottakar.
Den høyrer til Sunnfjordbunad, for dei som lurer på det.
Blir enda finare når sølvkroken blir montert på toppen :)

Denne Sunnfjord-bunaden skal eg sy ny stakk til.
Den er ganske gammal, men skal no få
pryde ein konfirmant til våren.
Broderiet er i andre fargar enn dei brukar no,
so eg har kjøpt garn som passar til orginalen.
Blir spennande..

Her er ferdig brodert stoff til Kystdrakt.
Det er ikkje eg som har brodert.
Denne òg er til ein konfirmant,
og det er bestemor til jenta som har brodert.
Denne skal eg sy ihop.
Skjorte, seleskjørt og sjal.
Blir moro, for slik drakt har eg ikkje sydd før.

Ha ei flott helg :)

Skattejakt

2011-01-26T11:17:00.005+01:00

Var ein tur på loftet hos foreldra mine,
for å finne gamle kle til neste revy vi er begynt å øve på.
Der kom eg over bla denne gamle skuffa,
med poser fulle av div garn, sløyfer,
( sikkert slike eg hadde i flettene mine som barn )
og knappar mm.

Og denne kofferten, etter mine besteforeldre,
Slik som eg lenge har ønska meg.
Skal pusse litt på den,
so blir den so flott, atte :)
Inni er den nesten som ny,
det låg gråpapir i bunn, som har beskytta mot slitasje.

Og denne lekre veska.
Den blir nok med meg på revy,
ilag med div andre kle eg fann som passar godt til slikt formål.
Ho hadde vore fin å bruke ellers òg,
men eg har som regel behov for større veske,
det er alltid so mykje eg kan få bruk for når eg skal ut av huset.

I dag skin sola, har vore på trappa med kaffikoppen.
Sat i heile 5 minutt, var nok litt kaldt enda.
Men no er det avstad på arbeid.
Ha ein flott dag.

Strikk, strikk, strikk..

2011-01-24T17:45:00.005+01:00

Då var enda ei pc mappe levert..
denne gangen er det til ein litt større pc enn dei andre eg har strikka.
Fekk måla av pc`en den skulle passe til,
og rekna ut opplegget frå dei.

I helga begynte eg på ein genser,
( i mariusmønster... )
Dotter vår har bestilt Marius-genser, so då strikkar eg med glede ein til ho.
Ho kjem til å stå i stil med pc-mappe og iPod etui,
som ho har fått tidlegare i samme mønster :)

Og sjå den flotte korga eg har påbegynte strikkeprosjekt i..
Kom over denne på salg, og den stod der og berre ropte på meg.
Måtte jo berre kjøpe den...og litt anna.

Her er ein liten smakebit av noko eg skal vise meir av ein anna dag :)

Mariusmodus

2011-01-18T10:06:00.005+01:00

Eg har strikka ei pc-mappe til i mariusmønster,
samme str som sist, til mac.
Har bestilling på ei til,
må stad å kjøpe meir garn i dag.

Yngste mann i huset fekk harddisk til jul.
Og då han spurde so fint om eg kunne strikke marius-etui til den,
kunne eg ikkje sei nei.

Den har glidelås i ein ende,
og hol til uttak til kabel i andre enden.

So eit mobiletui som var bestilt.
Det er no levert, håpar mottakaren vart fornøgd.

VM strikk mm

2011-01-16T22:21:00.005+01:00

No har eg strikka mitt bidrag til ski VM.
Var innom Hedvigs blogg, og las at dei trengte mange slike som
blomstermansjettar til ski VM.
Eg fann fort ut at eg òg ville sende mitt bidrag.
Ringte garnbutikk i Førde og fekk legge av garn.
For so å få yngste son vår som bur der på hybel,
å kjøpe garnet til meg.
Lørdag strikka eg denne.
Med litt ferjetid til og frå arbeidet,
og nokre omg på kvelden, so var den ferdig.
Sender den i posten i morgon.

innslag frå TV2 her

Dette settet var ferdig no til helga.
Det er bestillingsstrikk, og er strikka i alpakka.
Pulsvarmarane er alligatormønsteret eg har strikka ein del av i det siste.
Og halsen er mønster frå Allers nr 1 2011,
men i andre fargar og anna garn,
alpakka som i pulsvarmarane.

Kanskje blomstermansjetten kan brukast som lue når
blomstene er visna?

På utstilling..

2011-01-14T18:55:00.003+01:00

Inni denne kuppelen har det vore ei klokke.
Men sidan den var i ustand,
bestemte vi oss for å kvitte oss med den..

Men.. eg kan som sagt ikkje kaste noko,
so her var `rådyr gode`eller `gode råd dyre` :))

Eg demonterte klokka, men tok vare på tallskiva.
Har ein plan for den.
Og denne kuppelen kunne eg ikkje kaste.
Vurderer å spraymale den i sølvfarge..
berre sokklen, altso.

Eg har tatt vare på kosebamsen til dotter vår,
som no er 20 år og ikkje treng den lenger.

No har den fått glasshus å sitte i,
til eg finn noko anna å sette inni.

Ynskjer alle ein fin fredagskveld.

Litt av kvart

2011-01-13T22:16:00.004+01:00

Då har eg endeleg strikka pulsvarmere til meg sjølv.
Mønster har eg tenkt ut sjølv.
Ganske enkelt, men greit nok.
Desse har vore mykje i bruk,
varmar godt rundt handledda.

Hadde ikkje noko å strikke på ein kveld eg sat og såg på tv.
Fann ein garnrest og her er resultatet.

Eg har ikkje laga knapphull,
sidan eg strikka med tjukke pinnar,
er det berre å knappe i der ein vil..

Og eit par små vottar i Fritidsgarn.
Desse er laga på bestilling, og er i str 3 - 5 år.

Engler

2011-01-11T09:51:00.003+01:00

Englebilder.
Decopage med servietter på lerret var noko eg
prøvde meg på før jul.
Artig, skal nok prøve meir på dette,
kanskje legge litt meir arbeid i det.
Unskyld dårleg bilde,
tatt med mobil i dårleg lys..

småsaum

2011-01-10T15:11:00.004+01:00

Sit og ser gjennom bilder frå året som har gått.
Her er visst div som eg ikkje har blogga om.

Eg laga desse kleenex etuia i november til julemessa.

Fin måte å bruke restar på..

Julestrikk

2011-01-03T11:41:00.004+01:00

Godt Nyttår til alle som er inne på bloggen min.
Og takk for hyggelege komentarar,
noko eg setter stor pris på.
Skulle nok vore flinkare sjølv,
med å komentere andre sine bloggar eg er inne på.
Må nok skjerpe meg der, ja :)
Men har liten tolmodigheit med pc for tida,
er berre innom som snarast av og til.

Det eg viser no, er slike ting som var strikka før jul,
noko er julepresangar og noko er bestilt.

På biletet øverst har eg enda eit eksemplar av alligator-pulsvarmere.
Desse strikka eg i alpakka, og sendte som julepresang til ei veninne.
Dette mønsteret var både enkelt, raskt og kjekt å strikke,
so det blir nok maaange fleire av desse i 2011 òg.
Har allerede fått bestilling på slike.

Her er tre par til...
Strikka i Viking Superwash,
og havna under juletreet som tilleggspresang
til tre flotte jenter eg er tante til.
Måtte låne nokre armar/hender her for å få alle tre på same biletet.
Datter vår stilte frivillig opp til fotografering.

Her er mobil/iphone etui.
Fekk bestilling på iphone-etui i Fanamønster.
Eg teikna mønster og strikka tre alternativ.
(dei i brunt og kvitt)
For so å strikke fleire i ønsket mønster og farge.
Eg har sydd ein stor patentknapp i som lukning.

Førjulspresang til far i huset.

2010-12-29T19:49:00.006+01:00

So har endeleg far i huset fått gensaren sin.
Vart ferdig med den i midten av desember,
som du sikkert ser, sidan berre to av adventslysa er brukt.
Dei har eg foresten dekorert sjølv.

Har ikkje fått blogga i det siste,
det har vore so mykje anna å styre med no før jul.
Eg har strikka litt dei siste vekene, og teke bilete,
so no gjenstår det berre å få det ut på bloggen.

Eg har strikka på denne framover hausten.
Det vart litt kjedeleg,
sidan det berre er glattstrikk nesten heile bolen.

Eg vart ganske fornøgd med resultatet,
det samme vart mottakaren.

Neste prosjekt er mariusgenser til dotter vår.
Skal kjøpe garn til den ein av dagane,
det er godt med strikkagenser no når det er kaldt og flott vinterveir.

Kaffiløpse

2010-12-13T18:18:00.006+01:00

No ligg eg visst etter her,
har laga ting og tatt bilder, men ikkje rukket å blogge.
Som eg skreiv i forige innlegg,
skulle eg og mamma lage kaffiløpser.
Og det har vi gjort.

Denne har mange navn,
Kaffiløpse, hardangerløpse, tjukkeløpse, halvbaking,
og sikkert enda fleire.

Eg var for det meste tilskodar,
men fekk prøve meg i dei forskjellige prosessane.

Kjevling er teknikk,
eg var ikkje so rask som ho mor, nei..

So måtte dei være nokolunde like store,
sidan dei skal leggast oppå kvarandre.

Etter avkjøling, var det smøring.
Det vart ca 20 slike tilslutt,
men etter kaffikos og smaksprøve,
kom ikkje alt so langt som til fryseren :)

Då var kaffien servert.

Flatbrød

2010-12-01T23:39:00.003+01:00

Mandag hadde eg og mamma flatbrødbakedag.

Ho kom til meg medbrakt kjevle og steiketakke.
Eg har ikkje gjort dette før,
berre fått ferdige flatbrød som ho har laga heime.
So dette var ein lærerik og koseleg dag.

Eg fekk prøve meg på kjevling og steiking.
Fann fort ut at det ser enklare ut enn det er..
Vi steikte på to takker,
då gjekk det fortare unna.

Resultatet vart nesten 30 flatbrød,
som eg har lagra på boden,
klare til jul.

I morgon blir ho med meg heim etter eg er ferdig på arbeid,
då skal vi lage kaffiløpser, eller halvbaking som vi kallar det.

Vinboks

2010-11-23T23:54:00.003+01:00

No har eg endeleg fått gjennomført noko eg har tenkt på lenge.

Kjøpte desse serviettane til dette formålet for lenge sidan,
og når eg då fekk ein slik vinboks frå ei som skulle kaste den,
var det berre å sette i gang.

Ideen har eg sett ein plass,
hugsar ikkje kor,
men har liksom ikkje fått det ut av tankane.

Er kanskje ikkje heilt perfekt,
men greit å ha prøvd det.
Eg er vel fornøgd, eg :)

Varmeputer

2010-11-17T23:38:00.004+01:00

Har sydd 8 varmeputer, men fått fylt berre 5 av dei.
Gjekk tom for helkorn som eg bruker som fyll.

Desse putene har eg sydd og solgt mange av dei siste åra.
Gode å varme opp å legge på stive skuldra og nakke,
på kalde føtter el.
So luktar det so godt når dei er varme,
nett som nysteikt brød.

Tre til av desse har eg fåttt ferdig òg.
Dei er raskare å lage no enn den første var.
Grei måte å bli kvitt små stoffrestar på.

Kleenex etui

2010-11-14T13:31:00.004+01:00

Eg har ei tante som blir heile 84 år i dag på sjølvaste farsdagen.
Ho bur fortsatt heime og sit om dagane i godstolen sin med handarbeid,
det har gått ein del meter strikke- og heklegarn
mellom hendene hennar i løpet av åra.
Eg har ein stor kaffiduk som ho har hekla,
noko som alle ( trur det er sju ) fadderbarna har fått av ho.
So i ettermiddag skal eg heim til ho på kaffibesøk.

Men kva skal ein finne på til ei som har det meste..
Kom på slike kleenex-etui som mange har laga før meg,
det trur eg ikkje ho har frå før.
So då var veien kort i sybrakka mi i føremiddag.

Rask og grei å lage,
kanskje lurt å lage nokre slike å ta med på julemessa. .
Kjekt å ha litt småting å selge og ein slik dag.

Pulsvarmere

2010-11-13T08:52:00.005+01:00

Har strikka nokre pulsvarmere innimellom andre prosjekt siste vekene.
Desse er i alligatormønster,
eit artig mønster som eg òg fann på nettet, her.
Har strikka dei i restar frå det kvite heklateppet eg laga.
Strikka desse på pinne nr 3, då vart dei litt stramme til meg.
Garn: Rubin.

Her har eg brukt restar frå tidlegare strikka labbar.
Desse vart litt store, men greit å ha prøvd denne varianten òg :)
Garn: Silja.

Desse er strikka i alpacca.
Mønster har eg funne her.
Fekk ikkje heilt til kanten framme,
so eg gjorde ein liten vri der..

Meir alligatormønster.
Dette mønsteret kjem eg til å bruke fleire gonger,
enkelt å hugse, so eg slepp å følge med i oppskrift.
Strikka desse på pinne nr 4, då vart dei meir passe til mine handledd.

Og eit par i lilla, desse og er restar etter labbar.
Strikka i Viking Superwash, mjukt og godt garn.

Kjekke ting å ha med på messe:)

Snart julemesse

2010-11-10T09:21:00.005+01:00

Det nærmar seg julemesse,
og då er det kjekt å lage opp mest muleg til den.
Har sydd desse anorakk/genserane i fleece.
Størrelse 4 og 6 år.
Hetta er fora med lilla jersey,
og so har eg kanta med skråband i samme farge.

Ganske enkle plagg,
men stoffet er so fint i seg sjølv at det trengs ikkje mange detaljar.

Desse to huene er i samme stoff,
i str 1-2 og 3-4 år.

Resteskjerf

2010-11-03T11:25:00.005+01:00

Eg har strikka eit skjerf,
etter ynskje frå yngste mann,
som bur på hybel i Førde.
Han har sjølv valgt fargar frå garnlageret mitt,
so minkar det litt der òg.
Har brukt Fritidsgarn, Alfa og anna garn i liknande tjukne.
La opp 222 m, på p nr 6, det er ca 2 m langt.

Har endeleg fått prøvd denne måten å strikke skjerf på.
Legge opp so mange masker som ein vil ha skjerfet langt,
og strikke breidda på det.
Og so er det greit fordi ein slepp å feste trådendane.
For kvar omg klipper eg av tråden,
for so å knytte endane ihop til frynser til slutt :)

Marius

2010-11-01T21:06:00.006+01:00

Datter vår likar godt marius-mønsteret,
og har bestilt mappe til mac og iPod.

Denne helga var ho heime ein tur,
so då passa det å få dit ferdig til ho skulle reise igjen på søndag.
Her er mappe til mac`en, med glidelås som lukning.

Strikka ein liten til iPod og ein enda mindre til mobil.
Desse har eg sydd trykknapp i.
Det grå som dei ligg på er ein hals som ho har strikka sjølv,
som òg vart ferdig i helga.

Har strikka settet i Fritidsgarn på pinne nr 5,
og jenta var fornøgd med resultatet.

Ho har vore på bruktbutikk og kjøpt seg ein flott kakeboks,
som eg fylte med heimelaga knekkebrød.

Pung med vri.

2010-10-27T09:07:00.004+02:00

Har prøvd meg på frihåndsquilting på symaskina,
eller har gjort det slik eg trur det skal gjerast.
Fann mønster på denne pungen i quiltemagasinet nr 6-2003.
( gløymde å skrive i forige innlegg at mønster til den veska/nettet,
er frå quiltemagasinet nr 2-2008, hvis nokon lurer. )

Denne var rask og grei å sy, og artig vri på den.
Har pynta glidelåsen med eit avlagt smykke.

Når den er åpen, er det god oversikt inni.

Denne har eg òg lyst å laga fleire av.
Men den lista med "har lyst å lage" er begynt å bli ganake lang..